Qozog‘iston poytaxti Ostona shahrida fojea arafasida turgan yosh qiz qutqaruvchilar tomonidan amalda hayotga qaytarildi, deb xabar berdi mahalliy FVB.
Ma’lumotlarga ko‘ra, hodisa Imanbayeva ko‘chasidagi ko‘p qavatli uyda sodir bo‘lgan. Yosh qiz 15-qavatdagi uydan o‘zini tashlamoqchi bo‘lganida, “112” xizmatiga xabar kelib tushgan.
Qutqaruvchilar zudlik bilan voqea joyiga yetib borib, qo‘shni xonadon orqali yuqori qavatga chiqqan va qiz bilan muloqot o‘rnatgan. Psixologik suhbat davomida xodimlar vaziyatni nazoratga olib, qizni xavfsizlik tomonga tortib olishga muvaffaq bo‘lishgan.
Rasmiy ma’lumotlarga ko‘ra, qizning hayoti xavfsiz, u hozirda shifokorlar va psixologlar nazoratida.
Hozirda hodisaning sabablari o‘rganilmoqda. Mutaxassislar yoshlar o‘rtasida ruhiy sog‘lomlik va ehtiyojlarga e’tibor kuchaytirilishi kerakligini ta’kidlamoqda.
“Zamin”ni Telegramʻda oʻqing!
