“International Living” nashrining yillik global nafaqa indeksiga ko‘ra, 2026 yilda dunyoda nafaqaxo‘rlar uchun eng maqbul maskan — minglab orollari va musaffo iqlimi bilan mashhur Gretsiya deb e’tirof etildi.
Tadqiqotga ko‘ra, zamonaviy odamlarning o‘rtacha umr davomiyligi so‘nggi o‘n yillarda keskin oshgani bois, ko‘p nafaqaxo‘rlar hayotining oxirgi qismini chet elda o‘tkazishni afzal ko‘rmoqda. Ana shu tendensiyani hisobga olgan holda indeks yashash xarajatlari, tibbiy xizmat sifati, uy-joy bozori, viza tartiblari, iqlim va mahalliy jamiyatga moslashish osonligi kabi mezonlarga tayanilgan holda shakllantirildi.
Gretsiya ushbu mezonlarning deyarli barchasida yuqori baholandi. Mamlakat nafaqaxo‘rlar uchun qo‘lay, xarajat jihatdan tejamkor va tinch hayot tarzini, shuningdek, rezidentlik uchun qulay imkoniyatlarni taklif etadi. Jumladan, “Oltin viza” dasturi orqali xorijliklar 250 ming yevro investitsiya evaziga yashash ruxsatnomasi olishi mumkin.
Mazkur reytingda avval yillar davomida yetakchi bo‘lib kelgan Portugaliya va Ispaniya bu safar pastroq o‘rin egalladi — vizalardagi cheklovlar va yashash xarajatining o‘sishi sabab. Ro‘yxatda Italiya, Malayziya va Fransiya kabi davlatlar ham bor.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
