Netflix media bozorida shov-shuvli qadam tashladi: kompaniya Warner Bros'ni 82,7 milliard dollarlik ulkan bitim orqali sotib olish bo‘yicha kelishuvga erishdi. Hollywood Reporter ma’lumotiga ko‘ra, “Project Noble” nomi bilan yuritilayotgan ushbu strategik operatsiyaga Netflix rahbarlari Ted Sarandos va Greg Peters boshchilik qilgan.
Ta’kidlanishicha, kelishuvni amalga oshirish uchun Netflix 59 milliard dollarlik moliyalashtirishni yo‘lga qo‘ygan. Bu rekord darajadagi investitsiya kompaniyaning jahon media bozoridagi nufuzini yangi bosqichga olib chiqishi kutilmoqda. Endi Netflix nafaqat striming xizmatlarini taqdim etuvchi platforma, balki yirik studiya, kontent ishlab chiqarish va distributsiya sohasida ham global yetakchiga aylanishi mumkin.
Kompaniya hisob-kitoblariga ko‘ra, integratsiya yiliga 2–3 milliard dollar atrofida xarajatlarni iqtisod qilish imkonini beradi. Bu esa Netflix'ga yanada katta budjetli serial va filmlar yaratishga imkoniyat ochadi.
Eng qizig‘i: Warner Bros huzuridagi HBO seriallari, multfilmlar, DC komikslari va boshqa yirik intellektual mulklar endi to‘laqonli Netflix ixtiyoriga o‘tmoqda. Demak, striming olamidagi raqobat yanada keskinlashadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
