Boliviyada siyosiy vaziyat yana keskinlashmoqda. ABC News xabariga ko‘ra, mamlakat sudi sobiq prezident Luis Arseni korrupsiya ayblovi bo‘yicha sud jarayoni yakuniga qadar 5 oy muddatga qamoqda saqlashga qaror chiqardi. Mazkur qaror Boliviya ichki siyosatidagi raqobat va keskinlik fonida katta e’tibor qozonmoqda.
Ma’lumotlarga ko‘ra, Arsega qo‘yilgan ayblovlar tasdiqlansa, u olti yilgacha ozodlikdan mahrum etilishi mumkin. Siyosatshunoslarning aytishicha, sobiq prezidentga qarshi ochilgan ish mamlakatda ijtimoiy va siyosiy taranglikni kuchaytirishi ehtimoldan xoli emas. Chunki Luis Arse mamlakatda keng ommaviy qo‘llab-quvvatlovga ega bo‘lgan, ta’sir doirasi katta siyosiy faol sifatida tanilgan.
“Sotsializm sari harakat” partiyasi yetakchisi sifatida Arse 2020 yilda Boliviya prezidenti etib saylangan edi. Ammo joriy yilda o‘tkazilgan saylovlarda u mag‘lub bo‘lgan va shu bilan uning siyosiy faoliyati yangi bosqichga o‘tgandi.
Mehmon guruhidagi foydalanuvchilar ushbu nashrga izoh qoldira olmaydi.
