Asad Damashq saroyida so‘nggi kunlarini o‘yin bilan o‘tkazgani aniq bo‘ldi

1 daqiqa o'qish1.4K
Asad Damashq saroyida so‘nggi kunlarini o‘yin bilan o‘tkazgani aniq bo‘ldi
QisqachaAI yordamida tayyorlanganKo‘rsatish
  • Bashar Asad hokimiyati qulayib, shaharlar qo'ldan ketayotgan paytda vaziyatni barqarorlashtirish choralarini ko'rmay, telefonida o'yin o'ynab vaqt o'tkazgani aytiladi.
  • Bu haqda The Atlantic jurnali jurnalist Robert F. Uortning Damashqdagi prezident saroyi atrofidagi ofitserlar va doimiy mehmonlar bilan suhbatlariga asoslangan materialida xabar berilgan.

Suriya sobiq prezidenti Bashar Asad hokimiyati qulayotgan, shaharlar qo‘ldan ketayotgan, atrofdagilar “endi nima qilamiz?” degan savol bilan yugurayotgan pallada… go‘yo hech narsa bo‘lmayotgandek, telefonida o‘yin o‘ynab vaqt o‘tkazgan. Shu haqda The Atlantic jurnali material berdi.

Material muallifi jurnalist Robert F. Uort Damashqdagi prezident saroyi atrofidagi odamlar — ofitserlar va doimiy mehmonlar bilan suhbatlashgan. Ularning aytishicha, Asad mamlakat ichidagi og‘ir vaziyatni barqarorlashtirish yoki hokimiyatni saqlab qolish uchun amaliy qadamlar tashlashga shoshilmagan. Hatto Rossiya, Turkiya va Erondan turli yordam takliflari bo‘lganiga qaramay, u vaziyatni “qo‘lga olish”ga harakat qilmagani, qo‘ng‘iroqlarga javob bermagani va telefonidagi o‘yinlarga berilib ketgani ta’kidlanadi.

Natija esa ma’lum: 2024 yil dekabr oyida tezkor hujumlar ortidan qo‘zg‘olonchi kuchlar Damashq nazoratga olinganini e’lon qildi va Asad mamlakatdan chiqib ketdi. Keyinroq Asad oilasi bilan Moskvaga yo‘l olgani va Rossiya unga boshpana bergani haqida xabarlar tarqadi. Kreml tomonidan bu qaror “insoniylik nuqtayi nazaridan” qabul qilingani haqida ham ma’lumotlar berilgan.

Mutaxassislar qayd etganidek, bunday “uzoqqa qaramay qolish” — oddiy beparvolik emas, balki butun tizimning so‘nggi bosqichda qanday qotib qolganini ko‘rsatadi: rahbar qaror qabul qilmasa, davlat ham qimirlay olmaydi. Va bu holat Suriya kelajagi uchun og‘riqli saboq: endi eng asosiysi — yangi bosqichda qon to‘kilishi kamayib, odamlar hayotiga tinchlik qaytsin. Shunisi aniq: tarixda ba’zan bir rejimni tank emas, sukut ham yengadi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?