Shimoliy Koreya rahbari Kim Chen In Koreya Mehnat partiyasining to‘qqizinchi s’ezdiga bag‘ishlangan harbiy paradda Janubiy Koreya bilan muloqot qilishga ham qiziqmasligini va zarur bo‘lsa, qo‘shnisini to‘liq yo‘q qilishga tayyor ekanligini ma’lum qildi. Bu haqda Yonhap News Agency xabar berdi.
Paradda Kim Chen In AQSH bilan munosabatlarni yaxshilash uchun Vashington Shimoliy Koreyaning Konstitutsiyada belgilangan maqomini hurmat qilishi va dushmanlik siyosatidan voz kechishi kerakligini ta’kidladi. Uning so‘zlariga ko‘ra, bu ikki davlat o‘rtasida do‘stona aloqalarni shakllantirishi mumkin.
Shimoliy Koreya rahbari yordamchilariga yadroviy salohiyatni mustahkamlash va yangi qurol tizimlarini ishlab chiqish bo‘yicha topshiriq berdi. U suv ostida uchiriladigan qit’alararo ballistik raketalar, Janubiy Koreyani nishonga olishga qodir qisqa masofali raketalar va artilleriya tizimlarini kengaytirish rejalari haqida gapirdi.
Kim Chen In so‘zlariga ko‘ra, so‘nggi yillardagi yadroviy va raketa dasturlari Shimoliy Koreyaning yadroviy davlat sifatidagi maqomini yanada mustahkamlagan. U yadroviy qurollarni mamlakat xavfsizligining “kafolati” deb atagan.
“Zamin”ni Telegramʻda oʻqing!
