Davosda o‘tkaziladigan Jahon iqtisodiy forumi (WEF) prezidenti lavozimini tark etdi, deb Reuters xabar berdi. Xabarlarga ko‘ra, iste’fo "Epshteyn ishi" bilan bog‘liq vaziyat ortidan berilgan.
Borge Brende xo‘rlashuv nutqida forumdagi faoliyatini samarali bo‘lganini ta’kidlagan. Biroq u o‘z chiqishida Epshteyn bilan bog‘liq aloqalar haqida to‘xtalmagan.
AQSH Adliya vazirligi ma’lumotlariga ko‘ra, 2017-yildan buyon WEF prezidenti bo‘lib ishlagan Brende Epshteyn bilan bir necha bor ishbilarmonlik kechki ovqatida uchrashgan. Shuningdek, ular elektron pochta orqali ham muloqot qilgani haqida axborot tarqatilgan.
Shundan so‘ng, Jahon iqtisodiy forumi rahbariyati Brendening Epshteyn bilan munosabatlari yuzasidan mustaqil tekshiruv boshlagani aytildi.
Jeffri Epshteyn voyaga yetmaganlarni jinsiy ekspluatatsiya qilishda ayblangan. U 2019-yilda qamoqxonada vafot etgan, tergovchilar bu holatni o‘z joniga qasd sifatida baholaydi.
30-yanvar kuni AQSH Adliya vazirligi Epshteyn ishiga oid yana 3 million faylni e’lon qildi. Vazirlikka ko‘ra, avvalgi materiallar bilan birga hisoblaganda, jami 3,5 milliondan ortiq hujjat ochiqlangan.
“Zamin”ni Telegramʻda oʻqing!
