Eron davlat televideniyesi 86 yoshli Oyatulloh Ali Xomanaiy — Eronning oliy rahbari 28 fevral kuni ertalab e’lon qilingan bildiruvida u halok bo‘lganini tasdiqladi. Bu haqda turli xalqaro nashrlar ham xabar bermoqda.
Rasman e’lon qilingan ma’lumotlarga ko‘ra, Xomanaiy shanba kuni Tehronda sodir bo‘lgan havo zarbasi natijasida hayotdan ko‘z yumib, mamlakatda uning o‘limi munosabati bilan 40 kunlik milliy motam joriy etildi.
Eron prezidenti idorasi e’lon qilgan bayonotda oliy rahbarning o‘limi javobsiz qolmaydi, degan qat’iy fikr bildirildi.
Bu holat nafaqat Eron siyosiy tizimi, balki Yaqin Sharqdagi mintaqaviy muvozanat, diplomatik va harbiy vaziyatga ham keng ta’sir ko‘rsatishi mumkinligi taxmin qilinmoqda.
Rasmiy manbalardan qo‘shimcha ma’lumotlar keltirilmagan bo‘lsa-da, bu xabar mintaqadagi xalqaro munosabatlar va xavfsizlikni yanada murakkablashtirishi mumkin.
