AQSH qamog'ida saqlanayotgan Venesuela prezidenti Nikolas Maduro 8 mart – Xalqaro xotin-qizlar kuni munosabati bilan o'z xalqiga g'ayritabiiy maktub yo'lladi. Siyosatchining o'g'li Nikolas Maduro Gerra otasining ushbu murojaatini ijtimoiy tarmoqlardagi sahifalarida e'lon qildi. Bu haqda tengrinews.kz xabar beradi.
Maktubda Maduro vatandoshlarini qiyinchiliklarni yengib o'tishda imon va e'tiqodli bo'lishga chaqirgan. U Iso payg'ambarning tog'larni joyidan qo'zg'atishga qodir bo'lgan imon haqidagi so'zlaridan iqtibos keltirib, mamlakat boshiga tushgan sinovlar tez orada barham topishiga ishonch bildirgan. Bu murojaat prezident AQSHda hibsga olinganidan keyin xalqqa yo'llagan ilk xabarlaridan biri hisoblanadi.
Eslatib o'tamiz, 2025 yil 3 yanvar kuni AQSH maxsus xizmatlari Venesuela yetakchisi Nikolas Maduro va uning rafiqasi Siliya Floresni qo'lga olgan edi. 5 yanvar kuni Nyu-York federal sudida ularga nisbatan giyohvand moddalar savdosiga aloqadorlik ayblovi qo'yildi. Maduro va uning rafiqasi o'zlariga qo'yilgan ayblovlarni tan olishmadi. Ayni damda Venesuela boshqaruvini ilgari vitse-prezident lavozimida ishlagan Delsi Rodriges vaqtincha o'z zimmasiga olgan.
“Zamin”ni Telegramʻda oʻqing!
