Fransiya Yaqin Sharqda boshlangan “Epik g‘azab” nomli harbiy operatsiya doirasida AQSh harbiy samolyotlari uchun o‘z havo hududini yopgani ma’lum qilindi. Bu haqda AQSh prezidenti Donald Tramp Truth Social tarmog‘idagi sahifasida bayonot berdi.
Uning ta’kidlashicha, Fransiya Isroil tomon yo‘l olgan va harbiy yuk ortilgan samolyotlarning o‘z hududi ustidan uchib o‘tishiga ruxsat bermagan. Mazkur qaror AQSh tomonidan olib borilayotgan operatsiyalar fonida e’tiborni tortdi.
Tramp o‘z bayonotida Fransiyani tanqid qilib, ularning bu jarayonda yordam ko‘rsatmaganini qayd etdi. “Fransiya ‘Eron jallodlari’ning yo‘q qilinishida hech qanday yordam bermadi”, — deya yozdi u.
Shuningdek, AQSh bu holatni yodda saqlab qolishini ham qo‘shimcha qilgan. Mazkur vaziyat ikki davlat o‘rtasidagi harbiy va siyosiy munosabatlarga ta’sir qilishi mumkinligi taxmin qilinmoqda.
“Zamin”ni Telegramʻda oʻqing!
