Turkiyaning Qorabuk shahrida 61 yoshli Mahmud D. o‘zini "Iso Masih" deb e’lon qilib, uyi devorlariga va tomiga bir qator yozuvlar yozib chiqdi. Uning yozuvlari orasida "Masih", "Payg‘ambar", "35", "66" va "Iso" so‘zlari mavjud. Bu voqea haqida "Milliyet" gazetasi xabar berdi.
Ta’kidlanishicha, hodisa Bayir mahallasi Bog‘lar ko‘chasida sodir bo‘lgan. Qo‘shnilardan kelgan shikoyatlar orqali politsiya va shahar hokimiyati xodimlari hodisa joyiga kelgan. Ular Mahmud D.dan yozuvlarni olib tashlashni so‘ragan, shundan so‘ng erkak bo‘yoq olib, yozuvlarni o‘zi o‘chirgan.
Mahmud D. o‘zining harakatlariga aniq izoh berib, "Men yolg‘onchi Masihlarning chiqishiga va meni yomonlashishga urinmoqchi bo‘lganlarini aytaman. Bu ish hazil emas. Alloh menga vahiy yubordi, men buni yillardan beri aytib kelyapman" deb izohlagan.
U, shuningdek, 6 yoshidan beri oilasi atrofida qandaydir kuchlar tomonidan qurshovga olinganini va bu voqea bir necha yildan beri boshlanganini aytib o‘tgan.
Mahmud D.ning ta’kidlashicha, "Yahudiylar Dovud naslidan bo‘lgan Iso Masihni kutmoqda, nasroniylar Maryam o‘g‘li meni – Iso Masihni kutmoqda, musulmonlar ham Iso Masihni kutyapti".
