Tehron va Vashington o‘rtasida vositachilik qilib, Pokiston yuborgan sulh taklifiga Eronning javobi aniq bo‘ldi. Mahalliy IRNA agentligi xabar berganidek, Eronning topshirilgan rejasi o‘nta banddan iborat bo‘lib, unda Tehron vaqtinchalik sulh tuzish taklifini rad etgan va buning o‘rniga urushni uzil-kesil to‘xtatishga erishish kerakligini bildirgan.
Eron shuningdek, sanksiyalarni bekor qilish va Ho‘rmuz bo‘g‘ozidan xavfsizlikni taʼminlash uchun protokol yaratishni talab qilmoqda. Pokiston esa, o‘z navbatida, AQSH va Eronga o‘z tinchlik rejasini taqdim etgan va muzokaralar uchun faol muhokamalarni boshlashni taklif etgan.
Bu jarayonda, AQSH va Eron o‘rtasidagi tinchlikka qaratilgan muzokaralar surʼat olishi kutilmoqda. 6 aprel kuni Pokiston AQSH va Eronga o‘zining tinchlik rejasini taqdim qilgani haqida xabarlar tarqalgandi. Shuningdek, Axios agentligi AQSH va Eron mintaqaviy vositachilar bilan 45 kunlik o‘t ochishni to‘xtatish shartlarini muhokama qilganini xabar qildi.
Eron va AQSH o‘rtasidagi muammolar yana-da keskinlashib, Tramp esa agar Eron Ho‘rmuz bo‘g‘ozi orqali kema harakatlarini taʼminlamaganda, Eronga qaratilgan aniq zarbalarni tayyorlaganini bildirgan. 8 aprelgacha bo‘lgan muddatda esa, bu holatning qanday yakunlanishi aniq bo‘ladi.
“Zamin”ni Telegramʻda oʻqing!
