Chexiya Respublikasida dizel yoqilg‘isi narxi to‘rt yil ichidagi eng yuqori cho‘qqiga yetdi. Bu yilning oxirida dizel va benzin narxlarining oshishi, mamlakatdagi yoqilg‘i bozorida sezilarli o‘zgarishlarga olib keldi. Hozirda Chexiyada bir litr dizel yoqilg‘isi o‘rtacha 48,39 krona (2 yevrodan kamroq) narxda sotilmoqda. Bu qiymat so‘nggi to‘rt yil ichida eng yuqori ko‘rsatkichni tashkil etadi. Benzin narxi ham o‘sdi va hozirda bir litr Natural 95 benzinning o‘rtacha narxi 41,63 krona (1,7 yevro) bo‘lib, bu 3,5 yillik eng yuqori darajadir.
Yoqilg‘i narxlarining oshishi mamlakat iqtisodiyotida salbiy ta’sir ko‘rsatishi mumkin. Chexiya hukumati narxlarning ortishini jilovlash maqsadida bir nechta choralar ko‘rishga qaror qildi. Jumladan, hukumat chakana sotuvchilarning foyda chegaralarini belgilashni va dizel yoqilg‘isiga aksiz solig‘ini kamaytirishni rejalashtirmoqda.
Bundan tashqari, Moliya vazirligi, yoqilg‘i sotuvchilari uchun kunlik maksimal narxlar belgilashni boshladi, bu esa narxlarni nazorat qilishga yordam beradi.
“Zamin”ni Telegramʻda oʻqing!
