Bir uydan yetti kuydirilgan jasad topildi politsiya sababni o‘rganmoqda

1 daqiqa o'qish5.9K
Bir uydan yetti kuydirilgan jasad topildi politsiya sababni o‘rganmoqda

Ekvadorning janubidagi Kanyar provinsiyasida joylashgan uylardan birida yetti kishining kuydirilgan jasadi topildi. Bu haqda mamlakat rasmiylariga tayanib CBS News xabar berdi. Qayd etilishicha, hududda jinoiy zo‘ravonliklar kuchaygani sababli favqulodda holat rejimi amal qilmoqda.

Ma’lum qilinishicha, jasadlar 28 iyul kuni La Tronkal shaharchasidagi uydan topilgan. Marhumlardan ikki nafarining qo‘l-oyog‘i sim bilan bog‘langan bo‘lgan, uy tashqarisida esa yonib ketgan avtomobil aniqlangan. Qurbonlar 21 yoshdan 30 yoshgacha bo‘lgan shaxslardir. Dastlabki taxminlarga ko‘ra, voqea jinoiy guruhlar o‘rtasidagi hudud talashish bilan bog‘liq bo‘lishi mumkin.

Tergovchilarning ma’lum qilishicha, uy devorlarida «Bo‘rilar zamini» va «Bo‘rilar faol» degan yozuvlar qoldirilgan. Bu yozuvlar Ekvadordagi eng yirik narkotrafik va tovlamachilik to‘dalaridan biri hisoblangan «Los Lobos» («Bo‘rilar») bilan bog‘liq bo‘lishi mumkin. Mazkur guruh 2025 yil sentyabr oyida AQSH tomonidan terrorchi tashkilot deb e’lon qilingan.

Mutaxassislar ta’kidlashicha, so‘nggi yillarda Ekvador Janubiy Amerikaning eng xavfsiz davlatlaridan biri maqomidan kokain kontrabandasining asosiy tranzit nuqtalariga aylanib qolgan. Kolumbiya va Peruda ishlab chiqariladigan kokainning qariyb 70 foizi Ekvador orqali tashiladi.

Rasmiy ma’lumotlarga ko‘ra, 2025 yilda mamlakatda 9200 dan ortiq odam zo‘ravonlik qurboni bo‘lgan. Shu bilan birga, AQSH ko‘magida uyushgan jinoyatchilikka qarshi keng ko‘lamli operatsiyalar davom etmoqda. Biroq rasmiylar ta’kidlaganidek, jinoiy to‘dalar bilan bog‘liq qonli hodisalar hozircha to‘xtagani yo‘q.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?