Islam Maxachevning kiyimini tikib o‘tirgani aks etgan video muxlislarini hayron qoldirdi (video)
1 daqiqa o'qish394
UFC jangchisi Islom Maxachev ishtirokidagi video ijtimoiy tarmoqlarda keng muhokama qilinmoqda. Kadrlarda sharhlovchi sportchidan nima bilan mashg‘ul ekanini so‘raydi. Maxachev esa o‘z ko‘ylagini tikayotganini aytadi.
Sharhlovchi bu ishni chevarga bersa bo‘lishini, xizmat haqi atigi 5 dollar turishini eslatgan. Bunga javoban jangchi hozir puli yo‘qligini, keyingi haftada mablag‘i bo‘lishini hazilomuz tarzda aytgan.
"Men chevarlardan ham yaxshiroq tikaman, chunki buni buvimdan o‘rganganman", degan Maxachev.
Uning oddiyligi va tikishni bilishi muxlislarga ma’qul keldi. Foydalanuvchilar izohlarda jangchining nafaqat oktagonda, balki kundalik hayotda ham mustaqil ekanini maqtashdi.
Maqola sizga yoqdimi?
Obuna bilan reklama bo'lmaydi
Zamin Premium — oyiga 4 900 so'm
Izohlar0
…