Ag‘darilgan yuk mashinasiga ortilgan tarvuzlar yo‘l bo‘ylab sochildi(Video)

Xitoyda tez yurar shosseda ikki yuk mashinasi ishtirokidagi YTH sodir bo‘ldi, yuk mashinalaridan biriga ortilgan tarvuzlar esa yo‘l bo‘ylab sochildi, deb xabar berdi Darakchi.uz nashri.

Yo‘l tarvuzlardan tozalangunga qadar mazkur avtotrassada avtomobillar harakati bir necha soatga to‘xtatildi. YTH oqibatida 2 kishi halok bo‘ldi. Voqea 28 avgust kuni Xunan provinsiyasidagi Chjuchjou shahri yaqinida Pekinni Gonkong va Makao bilan bog‘lovchi yo‘lda sodir bo‘ldi.

Lyaonin provinsiyasidan yo‘lga chiqqan yuk mashinasi noma’lum sabablarga ko‘ra, yo‘lni ajratib turuvchi barerga urilib, qarama-qarshi yo‘nalishga chiqib ketgan va unda harakatlanayotgan boshqa bir yuk mashinasiga urilgan. To‘qnashuv oqibatida har ikki yuk mashinasi yonib ketgan. Ulardan biriga ortilgan tarvuzlar esa yo‘l bo‘ylab sochilgan.

Qutqaruv xizmati tomonidan yong‘in tezda o‘chirilganligiga qaramay, yo‘lni yorilgan tarvuzlardan tozalash uchun anchagina vaqt ketdi.
“Zamin” yangiliklarini “Twitter”da kuzatib boring