AQSh prezidenti Donald Tramp AQSh soliq islohoti haqidagi qonunni imzoladi. Bu haqda «Reuters» axborot agentligiga tayanib Kun.uz xabar berdi.
Soliq islohoti Tramp saylovoldi va’dalaridan biri bo‘lgan. Qonun turli toifadagi soliq to‘lovchilar, birinchi navbatda, biznes, korporatsiya va korxonalardan undiriladigan soliqni kamaytirishni ko‘zda tutadi.
Jumladan, qonunga ko‘ra, yuridik shaxslardan olinadigan daromad solig‘i 35 foizdan 21 foizgacha kamaytiriladi. Shuningdek, yuridik shaxslarning xorijdagi faoliyatidan mamlakatga qaytariladigan vositalarga olinadigan soliq ham kamaytiriladi: naqd mablag‘lar uchun 15,5 foizgacha, naqdsiz mablag‘lar uchun 8 foizgacha.
Qonunga ko‘ra, soliq shkalasi kiritiladi: 10, 12, 22, 24, 32, 35 va 37 foiz. Eng quyi stavka yiliga 9525 dollardan kam daromad oluvchi shaxs yoki yiliga 19050 dollargacha pul topuvchi oilalar uchun amal qiladi. Agar soliq to‘lovchi yiliga 82,5 ming dollardan 157,5 ming dollargacha daromad olsa, u davlatga 24 foiz soliq to‘lashiga to‘g‘ri keladi. Eng yuqori stavka yiliga 500 ming dollardan ko‘proq mablag‘ topuvchilarga qo‘llanadi.
Bu qonunga ko‘ra avval prezident Barak Obama vaqtida kiritilgan, o‘zini tibbiy sug‘urta bilan mustaqil ta’minlashdan bosh tortadigan fuqarolarga qo‘llanadigan majburiy jarima haqidagi qoida bekor qilinadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Blinken Isroildan uchta muammoni hal etishni talab qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Borrel YEIning Isroil bilan muloqotini to‘xtatishni taklif qildi
Toshkentda vafot etgan rossiyalik jurnalist ishiga doir qo‘shimcha ma’lumot
