Uralsk shahridagi yangi maydon Qozog‘iston prezidenti Nursulton Nazarboyev hurmati uchun qayta nomlanishi borasida taklif berildi, deb yozmoqda Tnews.uz sayti.
Uralsk shahar ma’muriyati matbuot xizmati tarqatgan xabarga ko‘ra, maydonni qayta nomlash borasidagi taklif Jamoatchilik kengashining kuni kecha bo‘lib o‘tgan majlisida berilgan va bu taklif shahar Maslahatida muhokama qilinishi rejalashtirilgan.
Bu taklif deputatlar tomonidan qo‘llab-quvvatlanadigan bo‘lsa, u holda respublika onomastik komissiyasiga topshiriladi, deya qo‘shimcha qildi matbuot xizmati.
O‘tgan oyda Janubiy Qozog‘iston viloyati(JQV) Maslahati deputatlari Chimkent shahridagi “Ostona prospekti”ni Nursulton Nazarboyev prospekti deb qayta nomlash borasidagi taklifni qo‘llab-quvvatlagan edi.
O‘tgan yilning noyabr oyi so‘ngida esa Olmaotadagi sovet davridan beri o‘zgarmay kelayotgan markaziy ko‘chalardan biri Nazarboyev prospekti deb o‘zgartirilgan edi. Qozog‘iston birinchi prezidenti kuni arafasida qabul qilingan qaror “ko‘p sonli aholining taklifi”ga binoan amalga oshirilgani bilan izohlandi.
Qozog‘istonda Nazarboyev Universiteti, Nazarboyev intellektual maktabi faoliyat yuritadi, birinchi prezident kutubxonasi ham bor. Nursulton Nazarboyev xaqida “Yetakchi yo‘li” kinoepopeyasi suratga olingan, o‘nlab kitoblar yozilgan, ayrim shaharlarda prezidentga yodgorliklar o‘rnatilgan.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Endi operatsiyadan so‘ng kesmalar o‘rni ikki barobar tezroq bitishi mumkin
