Rossiyada byudjetdagilar saylovlar arafasida birdaniga maoshlar ko‘tarilganini aytishmoqda

Yil boshidan beri byudjet sohasi xodimlari – shifokorlar, oliy ta’lim dargohi o‘qituvchilari va ilmiy xodimlarning maoshlari bir necha barobar oshdi. Bu haqda RBK xabariga tayanib Tnews.uz yozmoqda. Ayrim hollarda oylik maoshlar besh barobar oshgani haqida gap bormoqda.

Masalan, Moskvadagi Botkin nomli klinik shifoxona xodimlarining maoshi ikki barobar oshirildi. Bu haqda shifoxona xodimlari RBKga ma’lum qilishdi. Oylik maoshlar ikki-uch barobar oshgani haqida Gelmgols nomli ko‘z kasalliklari ilmiy-tadqiqot institutining shifokorlari ham ma’lum qildilar. Mintaqaviy sog‘liqni saqlash «Deystviye» (“Harakat”) kasaba uyushmasi xodimlarining so‘zlariga qaraganda, oylik maoshlar birdaniga ko‘tarilgani haqidagi xabarlar mintaqalardan, jumladan Novgorod viloyati va Ijevskdan kelmoqda.

Oliy ta’lim muassasalari o‘qituvchitlarining maoshlari ham sezilarli darajada ko‘paydi. Moskva Davlat universiteti faollarining hisob-kitoblariga qaraganda, ilmiy xodimlar va o‘qituvchilar tarkibi bir oylik maoshning besh barobar miqdorida pul olishgan.

Moskva iqtisodiy siyosat departamentining ma’lum qilishicha, gap bu yerda “may farmonlari”ning bajarilishi haqida bormoqda, unga ko‘ra 2018 yilda shifokorlar, Oliy ta’lim dargohlarning o‘qituvchilari va ilmiy xodimlarining maoshlari mintaqa bo‘yicha o‘rtacha 200 foizni tashkil qilishi kerak.

2012 yilning may oyida Vladimir Putin Rossiya prezidenti lavozimiga kirishar ekan 11ta hujjatga imzo chekkan edi. Bu hujjatlar “may farmonlari” deya ataladi. Bu farmonlar rossiyaliklarning, jumladan shifokor va o‘qituvchilarning turmush darajasini yuksaltirishga qaratilgan. Dekabr oyida bo‘lib o‘tgan matbuot anjumanida Putin farmonlar 94 foizga bajarilganini ma’lum qildi. Biroq o‘z so‘ziga, «hal qilinmagan masalalar, amalga oshirilganidan ko‘p ekanini” qo‘shimcha qildi.

Rosstatning yanvar oyidagi ma’lumotlariga ko‘ra, Rossiyada shifokorlarning o‘rtacha maoshi 28 foizgacha ( 72 ming rubl), ilmiy xodimlarning maoshi 37 foizga (87 ming rubl), oliy ta’lim dargohlari o‘qituvchilarining maoshi esa 21 foizgacha (77 ming rubl) oshgan. “Zamin” yangiliklarini “Odnoklassniki”da kuzatib boring