Qozogʻiston prezidenti Nursulton Nazarboyev Qozogʻiston xalqiga anʼanaviy murojaat bilan yuzlandi.
Murojaat mamlakatni ijtimoiy-iqtisodiy rivojlantirishning dolzarb muammolari va qozogʻistonliklar turmush tarzini yanada yaxshilash vazifalariga bagʻishlangan.
Milliy telekanallar mamlakat rahbari murojaatining jonli translyatsiyasini olib borishgan.
Nazarboyev oʻz murojaatida iqtisodiyotda raqobatni rivojlantirish boʻyicha qatʼiy choralar koʻrish va uy-joy kommunal xoʻjaligidagi narxlarda tartib oʻrnatish; biznesni adolatsiz maʼmuriy bosim va jinoiy taʼqib tahdidlaridan himoyalashni oshirish; eksportga yoʻnaltirilgan sanoatlashtirish iqtisodiy siyosatning markaziy unsuri boʻlishi; moliyaviy sektorning iqtisodiyotni rivojlantirishdagi rolini kuchaytirish va uzoq muddatli makroiqtisodiy barqarorlikni taʼminlash lozimligini aytgan.
Qozogʻiston prezidenti aholi turmush tarzini yaxshilash maqsadida 5 yil davomida taʼlim, fan va sogʻliqni saqlash uchun xarajatlarni YAIMning 10 foiziga yetkazish; maktabgacha taʼlim sifatini tubdan yaxshilash; “Pedagogning maqomi toʻgʻrisida”gi qonunni ishlab chiqish va qabul qilish; hududiy darajada ommaviy sport va jismoniy tarbiyani rivojlantirish; qozogʻistonliklar sifatli oziq-ovqat mahsulotlari isteʼmol qilishlari; aholini sifatli va arzon uy-joy bilan taʼminlash zarurligini taʼkidlab oʻtgan.
Nazarboyev davlat boshqaruvi tizimida ham bir qator vazifalarni amalga oshirish zarurligini aytib oʻtgan. Jumladan, huquq-tartibot idoralari faoliyatida chuqur va samarali islohotlarni amalga oshirish, sud tizimini yanada modernizatsiyalash; davlat idoralari ishi samaradorligini tubdan yaxshilash; korrupsiyaga qarshi faol kurashni davom ettirish; hukumat va barcha davlat idoralari ishida rasmiyatchilik va qogʻozbozchilikni kamaytirish lozimligi taʼkidlab oʻtilgan.
Qozogʻiston prezidenti mamlakatni muvaffaqiyatli rivojlantirish uchun faol tashqi siyosatni olib borish zarurligini qoʻshimcha qilgan.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Migrantlarni Rossiyadan chiqarib yuborishning yangi tartibi taklif etildi
Moskva aeroportlarida 1000 ga yaqin tojikistonlik qolib ketdi
Sensatsiya! Afg‘oniston futzal bo‘yicha jahon chempionatiga chiqdi!
Saidjamshid Ja’farov qozog‘istonlik raqibini mag‘lub etib, IBA Asia kamarini qo‘lga kiritdi
Vadim Abramov: "Vazifamiz keyingi bosqichga chiqish edi, afsuski, buni uddalay olmadik"
Umarali Rahmonaliyev: "Yarim finalga hech qachon kuchsiz jamoalar yo‘l olmaydi"
Indoneziya U-23 bosh murabbiyi: "O‘zbekistonning nega ko‘p gol urib, darvozasidan to‘p o‘tkazmasligini bilib oldim"
Turk seriallari yulduzi Demet O‘zdemirning Istanbuldagi shinam villasiga sayohat
