12:55 / 08.09.2020
1 507

«Bu safar yanada ishonchliroq»: Tramp o‘z g‘alabasini bashorat qildi

«Bu safar yanada ishonchliroq»: Tramp o‘z g‘alabasini bashorat qildi
Foto: «Izvestiya»
Donald Tramp AQSH prezidentligi uchun 2020 yilgi saylovda 2016 yilgisidan-da ishonchliroq g‘alaba qozonadi. Bu haqda uning o‘zi «Twitter»da yozdi.

«Real so‘rovnomalar natijalari hozirdanoq A’LO! Bizning g‘alabamiz 2016 yilgisidan ham ishonchliroq bo‘ladi. Albatta, radikal so‘l anarxistlar, buzg‘unchilar, talonchilar va g‘aflatdagilarni bu holat mamnun etmaydi, ammo ular ham tinch turishmaydi!», — dedi Tramp.

Eslatib o‘tamiz, Respublikachilar partiyasining AQSH Kongressi Vakillar palatasidagi yetakchisi Kevin Makkarti pochta orqali ovoz berishni ortiqcha tanqid qilish respublikachilarga qimmatga tushishi mumkinligidan Trampni ogohlantirgandi. Kongressmenga ko‘ra, keksa avlod vakillari COVID-19dan hammadan ko‘proq qo‘rqishgani bilan, saylovchilarning eng faol qatlami ham sanalishadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)