Rossiyada ba’zi muhojirlar uchun maxsus huquqiy rejim joriy qilinadi

1 daqiqa o'qish2.6K
Rossiyada ba’zi muhojirlar uchun maxsus huquqiy rejim joriy qilinadi
Foto: «TASS»
Rossiyada ba’zi muhojirlar uchun mamlakatda «Nazorat qilingan holda bo‘lib turish» deb ataluvchi maxsus huquqiy rejimni joriy qilish rejalashtirilmoqda. Bu haqda «TASS» Rossiya Ichki ishlar vazirligiga tayanib xabar berdi.

Yangi rejim Rossiyada bo‘lib turish uchun huquqiy asosga ega bo‘lmagan, ammo yuzaga kelgan sharoit tufayli mamlakatda qolishga majbur bo‘lgan chet elliklarga nisbatan o‘rnatiladi. Masalan, gap koronavirus tufayli o‘z-o‘zini yakkalash haqida bormoqda.

IIV aniqlik kiritishicha, yangi huquqiy rejim, masalan, mamlakatdan chiqarib yuborish haqidagi qarorning ijro etilishi to‘xtatilgan yoki belgilangan jazolarning ijro etilishi zarur bo‘lgani, sud ishlarida qatnashayotgani sababli Rossiyadan chiqib ketishiga cheklov qo‘yilgan chet elliklarga nisbatan qo‘llaniladi.

Rossiya IIV ma’lumotlariga ko‘ra, koronavirus epidemiyasi boshlangan vaqtda — 2020 yil martidan buyon 1,6 millionga yaqin muhojirlar Rossiyada bo‘lish muddati tugaganidan keyin mamlakatdan chiqib ketmagan. Qabul qilingan choralar 400 mingga yaqin odamning huquqiy maqomini tartibga solish imkonini bergan.

Avvalroq Rossiya prezidenti matbuot kotibi Dmitriy Peskov Rossiyada COVID-19 pandemiyasi tufayli sezilarli darajada kamaygan mehnat muhojirlarining soni mamlakatdagi yirik loyihalarni amalga oshirish uchun yetarli emasligini aytgan edi.

Ammo keyinroq Rossiya ichki ishlar vaziri o‘rinbosari Aleksandr Gorovoy Rossiyada bir milliondan ortiq odam noqonuniy bo‘lib turganini ma’lum qildi. Vazir o‘rinbosari keltirgan Ichki ishlar vazirligining statistik ma’lumotlariga ko‘ra, bugungi kunda Rossiyada 332 mingdan ziyod O‘zbekiston fuqarosi, 247 ming Tojikiston fuqarosi, 152 ming Ukraina fuqarosi, 120 ming Ozarbayjon fuqarosi, 115 ming Qirg‘iziston fuqarosi, 61 ming Armaniston fuqarosi, 56 ming Moldova fuqarosi, 49 ming Qozog‘iston fuqarosi noqonuniy migrant hisoblanadi.

Rossiya Ichki ishlar vazirligi MDH davlatlaridan kelib, Rossiyada noqonuniy ravishda yurgan muhojirlarni 15 iyunga qadar mamlakatni tark etishlarini talab qilmoqda.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?