Foto: Bloomberg
«Tolibon» guruhi Kobul qulashidan avval mamlakatdan qochib ketgan prezident Ashraf G‘ani hamda vitse-prezident Amrulla Solih va davlat rahbarining milliy xavfsizlik bo‘yicha maslahatchisi Hamdulla Muhibning xavfsizligi ta’minlanishini kafolatlamoqda. Bu haqda harakat yetakchilaridan biri Xalilaur-Rahmon Haqqoniy Pokistonning Geo TV telekanaliga bergan intervyusida ma’lum qildi.
Haqqoniy qayd etishicha, mamlakatdan qochib ketgan yuqori mansabli amaldorlar ham, oddiy afg‘onlar ham amnistiyaga umid qilishi mumkin. «Barcha afg‘onlar — bizning qardoshlarimiz, shunday ekan, ular mamlakatga qaytib kelishi mumkin… Bizning dushmanligimizning yagona sababi tizimni o‘zgartirishga bo‘lgan intilishimiz edi. Endi tizim o‘zgardi», — dedi u.
15 avgust kuni «Tolibon» Kobulga kirib, prezident saroyini egallab oldi va mamlakatdagi hokimiyatni o‘z qo‘liga olganini e’lon qildi. Shu kuniyoq Afg‘oniston prezidenti Ashraf G‘ani mamlakatdan qochib ketdi. Bir necha kundan keyin u oilasi bilan Birlashgan Arab Amirliklarida ekani ma’lum bo‘ldi. 18 avgust kuni G‘ani Afg‘oniston xalqiga murojaat yo‘llab, mamlakatga qaytishga va’da berdi. G‘ani buning uchun maslahatlashuvlar olib borayotganini aytdi, ammo aynan kim bilan ekanini ochiqlamadi.
Prezident qochib ketganidan keyin u o‘zi bilan moddiy boyliklar, shu jumladan, juda katta qiymatda naqd pul olib ketgani haqida ma’lumot paydo bo‘ldi. G‘anining o‘zi bu ayblovlarni yolg‘on va «mutlaqo asossiz» deb atadi.
Ashraf G‘ani Afg‘onistonga 2014 yildan boshlab prezidentlik qilgan. 1990 yillarda u Jahon bankida ishlagan, shuningdek, BMTning Afg‘onistonga gumanitar yordamni muvofiqlashtirish boshqarmasi rahbari bo‘lgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH politsiyachilarining «aqlli qarori» Legoga ma’qul kelmadi
Emmanuel Makron: “Ukraina tez orada qulashi mumkin”
AQSH rasmiylari: Millionlab amerikaliklar xitoylik hakerlar hujumiga uchragan
Dubay hukmdorining eng go‘zal qizi qanday hayot kechiradi?
«Tolibon» Moskvadagi terakt tashkilotchilarini yo‘q qilishga va’da berdi
Rossiyaning harbiy operatsiyadagi manyovri Ukrainani hayratga soldi
Rossiya G‘azoga 29 tonnadan ortiq insonparvarlik yordami jo‘natdi
Rossiya Ukrainaning harbiy dron yig‘uv inshootlarini yo‘q qildi