Agar qayerga va qanday harakat qilishni bilmasangiz, o‘zingizga bosim o‘tkazmaslikka harakat qiling, shunchaki sekinroq yuring va dam oling. 89 yoshli yapon psixoterapevti va psixiatri Nakamura Sunekoning aytishicha, ichki holatingizni qabul qilib, mukammal bo‘lishga urinmasangiz, albatta, muvaffaqiyatga olib boradigan yo‘lni topasiz.
Xotirjamlik, faqat xotirjamlik
Tashvish ko‘pchilik uchun allaqachon odatiy holga aylangan. Miyada doimiy ravishda juda ko‘p fikrlar aylanib yuradi, bu cheksiz oqimni to‘xtatish uchun “pauzani bosishga” imkon bermaydi. Aksincha, biz o‘zimizni yanada ko‘proq qoralay boshlaymiz, qilgan barcha ishimiz behuda ketdi, umuman olganda, men juda zaif va hech narsaga qodir emasman, deb qayta-qayta takrorlaymiz. Ushbu uydirmalardan so‘ng hayotiy mexanizmimiz qayta ishga tushiriladi, bir necha marta yomonroq ishlay boshlaydi va bu jarayonni vaqt o‘tishi bilan to‘xtatib bo‘lmaydi.
“G‘amga botib qolmaslik, tinch va xotirjam yashashga harakat qilish, odamlar bilan aloqada bo‘lish — menimcha, eng muhimi shu. Unchalik uddalay olmayapmiz, lekin hechqisi yo‘q, sekin harakat qilamiz. Agar biz biror narsa bilan faol shug‘ullansak, o‘zimiz yoki yaqinlarimizning kechiktirib bo‘lmaydigan ishlarini tartibga solishga harakat qilsak, barcha tashvishlar qayoqqadir yo‘qoladi. Agar biror narsa haqida juda ko‘p o‘ylasangiz, o‘sha ishni birinchi navbatda bajarishga harakat qiling”.
Muvaffaqiyat haqida o‘ylamang
G‘alati eshitiladi, lekin bu juda samarali usul. Psixoterapevtning tushuntirishicha, agar doimo muvaffaqiyatga erishish yo‘lida yana bir qadam tashlashga imkon beradigan u yoki bu maqsadga qanday erishish haqida o‘ylasak, hayratlanarli darajada hafsalangiz pir bo‘lishi mumkin. Omadga qanchalik kam umid qilsangiz, baxtli imkoniyat shunchalik tez qo‘lga kiritiladi.
Umid qilmasak, yangi imkoniyatlar paydo bo‘ladi. O‘z tajribamdan kelib chiqib aytishim mumkinki, vaqti kelganda, qanchalik g‘alati bo‘lmasin, atrofimizdagilar kerakli yo‘nalishga undaydi, deya xulosa qiladi psixoterapevt.
Bo‘sh vaqtingiz qolmasin
O‘zining ko‘p yillik tajribasiga asoslanib, Nakamura Suneko ba’zan xavotirga berilib ketmaslik va hamma narsa haqida tashvishlanmaslik uchun o‘zingizni ortiqcha ish bilan band qilishingiz kerak, degan xulosaga keldi. Psixolog har birimizni vaqtni yoqimli o‘tkazishga yordam beradigan, lekin shu bilan birga foyda keltiradigan va o‘zimizdan keyin yoqimli his-tuyg‘ularni qoldirishga yordam beradigan ish topishga chaqiradi.
Agar kompaniyada vaqt o‘tkazishni yoqtirsangiz, buni tez-tez qilib turing. Muloqot doirasini kengaytiring, dunyoni yangi tomondan o‘rganing, yorqin taassurotlarni izlang, shunda sizni qiynayotgan xotiralar asta-sekin soyada qoladi. Bu paytda eng yaxshi dori — vaqt. U bir zumda ta’sir ko‘rsatmaydi, lekin asta-sekin shifo beradi, deb tushuntiradi Suneko.
Baxtga intilmang
Ortiqcha falsafiy mulohazalar va baxtli bo‘lish uchun doimiy urinishlar ko‘pincha umidsizlikka olib keladi va energiya hamda vaqtingizni isrof qiladi. Nakamura bizni “baxtli-baxtsiz” mavzusidagi cheksiz mulohazalarga nuqta qo‘yishga undaydi, chunki ko‘pincha ularning barchasi boshqalar bilan taqqoslashga asoslanadi.
“Shunday bo‘lishi kerak” so‘zlari keraksiz yukka o‘xshaydi. Keraksiz yukdan iloji boricha tezroq qutulish lozim, aks holda uning ostida umuman harakatlanmay qolish xavfi bor. Agar doimo o‘zingizni boshqalar bilan taqqoslasangiz, ruhiy zo‘riqish va stress ortadi, deya xulosa qiladi psixiatr. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Bosh kiyimsiz yurishning organizmga qanday ta’siri bor?
Eron Isroil bilan keng ko‘lamli urushga tayyorligini ma’lum qildi
100 mln so‘mgacha bo‘lgan kreditlar soddalashtirilgan tartibda ajratiladi
Slovakiya bosh vaziri Putinning taklifini qabul qildi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Gretsiyada minglab odamlar NATOga qarshi namoyish o‘tkazdi
