Onlayn xarajatlar pulni yo‘q qiladi: Moliyachi asosiy xatoni ochdi

2025 yilning moliyaviy realligi shunchaki daromad topish emas, balki uni oqilona boshqarishni talab etmoqda. Bu borada moliya bo‘yicha taniqli mutaxassis Shennon Makley juda muhim maslahat bilan chiqdi — pulni saqlab qolish uchun avvalo telefondagi xavfli ilovani o‘chirish kerak!

Uning ta’kidlashicha, shunchaki bir “tax” bosish orqali xarid qilish imkonini beradigan ilova – moliyaviy tartibsizlikning asosiy sabablaridan biri. “Biz pul topish uchun kunu-tun mehnat qilamiz, ammo uni qanday sarflayotganimizni to‘liq anglamaymiz. Impulsiv, ya’ni o‘ylamay amalga oshirilgan xaridlar sababli ko‘pchilik oy oxirida nolicha qoladi,” – deydi ekspert.

Shennonning so‘zlariga ko‘ra, turli to‘lov ilovalari pul bilan munosabatni juda yengillashtirib yuboradi. Masalan, bank kartangizni telefonga bog‘lab qo‘ygan bo‘lsangiz, xarid qilish uchun fikr yuritish, rejalashtirish yoki hisob-kitob qilishga hatto fursat ham qolmaydi. Bu esa pulning “qaysi yo‘l bilan yo‘qolib qolayotganini” anglashni qiyinlashtiradi.

“Mijozlarim menga ko‘p bora shunday deyishadi: 'Men ishlayman, lekin pul qayerga ketyapti, tushunmayman.' Bu juda keng tarqalgan muammo. Oddiy narsalarni diqqatsizlik bilan xarid qilish, choyxonalar, to‘satdan amalga oshirilgan onlayn xaridlar – bular hammasining ortida avtomatlashgan pul sarflari turibdi”, – deydi u.

Mutaxassis shuni ta’kidlaydiki, moliyaviy qiyinchiliklarning ko‘pchiligi stress bilan bog‘liq va aynan shuning uchun ham insonlar pul mavzusidan uzoqlashishga urinadi. Ammo pul masalasidan qochish o‘rniga, unga yuzlanish va vaziyatni yaxshilash bo‘yicha faol harakat kerak.

Shennon Makley o‘z maslahatida moliyaviy barqarorlikka erishish uchun bir kechada mukammal budjet tuzish shart emasligini, balki kichik, lekin qat’iy qadamlar bilan bu yo‘lni boshlashni tavsiya qiladi.

Uning fikricha, birinchi navbatda xarajatlarni kuzatish odatini yo‘lga qo‘yish kerak. Bunda u alohida ilovalarni yoki telefondagi eslatmalarni qo‘llashni tavsiya qiladi. “Har bir sarflangan so‘m qayd etilishi kerak. Faqat shundagina odam o‘z pul oqimini nazoratga olishi va kelajakda maqsadli jamg‘armaga erishishi mumkin”, – deya xulosa qiladi ekspert.

Hoziroq tekshiring: telefoningizda xarajatlarni yengillashtiradigan, sizni faqat reklama va qiziqishlar orqali xaridga undaydigan ilovalar bormi? Agar shunday bo‘lsa, ularni o‘chirish – moliyaviy hayotingizni tozalashdagi ilk va eng muhim qadam bo‘ladi. “Zamin”ni Telegramʻda oʻqing!