Uzoq umr ko‘rish uchun asosiy ichimlik aniqlandi — tanlov sizni ajablantirishi mumkin

Kofe muxlislari uchun yangilik: Sog‘lom va uzoq umrning kaliti sizning chashkangizdami?

Kunni qahva bilan boshlamaslikni tasavvur qilolmaydiganlar uchun bu safar juda quvonarli yangilik — dunyoda uzoq yashashi bilan mashhur “ko‘k zonalar”da ham aynan shu ichimlik e’tibor markazida, deb xabar berdi dailymirror.co.uk.

Tadqiqotchi va “Blue Zones” loyihasi muallifi Den Byuttnerning fikricha, kofe to‘g‘ri iste’mol qilinsa, umrni uzaytirishda eng samarali ichimliklardan biriga aylanadi. Biroq, bu yerda muhim shart bor: qahvani ertalab, ya’ni kun yarmigacha qabul qilish kerak. Bu paytda inson organizmi kofeinni tez va samarali o‘zlashtiradi, shu orqali yurak-qon tomir kasalliklari xavfi pasayadi. Chunki, ayni shu vaqtda gormonal fon va sirkad ritmlar izdan chiqmaydi.

Byuttner qora qahvaga turli qo‘shimchalar — shakar, sirop yoki sut solmaslikni maslahat qiladi. Chunki tabiiy qahva antioksidantlarga va biologik faol moddalarga juda boy, ularning barchasi aynan qo‘shimchalarsiz shaklda yaxshiroq saqlanadi. Xususan, yengil qovurilgan qahvada polifenollar va boshqa ozuqa moddalari miqdori ko‘proq bo‘ladi.

Tadqiqotlarda qayd etilishicha, muntazam va me’yorda qahva ichish nafaqat quvvatni oshiradi, balki sog‘lom hayotni uzaytiradi. Biroq, buni ertalab qabul qilish, qo‘shimchasiz holda iste’mol qilish va o‘z organizmini tinglash katta ahamiyatga ega.

Hozirda “ko‘k zonalar” deb nomlangan hududlardagi aksariyat uzoq umr ko‘ruvchilar aynan qahvaga ustuvorlik berishadi va bu ularning kundalik hayot tarzining ajralmas qismiga aylangan.

Yana bir bor ta’kidlash joiz: qahva — uzoq va sog‘lom umr siri bo‘lishi mumkin. Ammo asosiysi, har narsada bo‘lganidek, uni me’yor va to‘g‘ri vaqtda qabul qilish zarur. Demak, chashka qora qahva bilan yangi hayot sari qadam tashlashga shoshiling! “Zamin”ni Telegramʻda oʻqing!