So‘nggi kuzatuvlarga ko‘ra, ko‘plab ayollar ish faoliyatida yuqorilashish maqsadida plastik operatsiyaga murojaat qilmoqda. Zamonaviy hayotda tashqi qiyofa muvaffaqiyatning muhim qismlaridan biriga aylangani bois, estetik jarrohlik yangi ahamiyat kasb etmoqda, deb yozadi Peopletalk.
Avvallari bunday amaliyotlarni asosan mashhurlar qildirishardi. Endi esa holat o‘zgargan: ideal ko‘rinishga intilish shou-biznesdan uzoq bo‘lgan ayollarda ham namoyon bo‘lmoqda. Yuqori raqobatli mehnat bozori ularni tashqi qiyofasini yaxshilashga qiziqtirmoqda.
Klinikalar esa bu yo‘nalishga tezda moslashdi. Reklamalarda plastik jarrohlik orqali karerada muvaffaqiyat qozonish tez-tez ta’kidlanmoqda. Tadqiqotlardan ma’lum bo‘lishicha, jozibador insonlar o‘z hamkasblariga nisbatan o‘rtacha 15 foiz ko‘proq maosh olishlari mumkin. Bu esa ko‘plab ayollarni tashqi qiyofani o‘zgartirish haqida o‘ylashga undamoqda.
Biroq mutaxassislar ta’kidlashicha, hech qanday operatsiya karerada tezda yuqori pog‘onalarga chiqishni kafolatlay olmaydi. Shu bilan birga, chiroyli ko‘rinish hali ham rezyumeda aytib o‘tilmagan, ammo kuchli ta’sir qiladigan omil sifatida qolmoqda.
“Zamin”ni Telegramʻda oʻqing!
