Osiyo mamlakatlari arzon yashash, boy madaniyat va ish imkoniyatlari bilan xorijliklarni o‘ziga jalb qilmoqda. 2025-yilgi xalqaro “Expat Insider” so‘roviga ko‘ra, eng yaxshi 10 mamlakatning beshtasi Osiyoda – Tailand, Vetnam, Xitoy, Indoneziya va Malayziya.
Xitoy bu yil reytingda katta sakrash qildi: 19-o‘rindan 6-o‘ringa chiqdi. Bunga ish sharoiti, maosh va hayot sifatining yaxshilanishi sabab bo‘ldi. Malayziya ilk bor kuchli o‘nlikka kirgan bo‘lsa, Vetnam moliyaviy qulaylik bo‘yicha birinchi o‘rinni egalladi.
Malayziyada ingliz tili keng qo‘llanilgani va madaniyatlar xilma-xilligi hayotni yengillashtiradi. Vetnamda yashash arzon, jamiyat esa iliq va do‘stona.
Mutaxassislar fikricha, bu mamlakatlarda hayot sifati yuqori va odamlar baxtli. Shu sababli ko‘plab xorijliklar Osiyoni o‘zining yangi uyi sifatida tanlamoqda.
“Zamin”ni Telegramʻda oʻqing!
