17:03 / 27.07.2016
7 431

"Rosselxoznadzor" O‘zbekistonga 18 tonna mevani qaytarib yubordi

"Rosselxoznadzor" O‘zbekistonga 18 tonna mevani qaytarib yubordi
Rossiyaning Novosibirsk viloyati veterinar va fitosanitar nazorat qilish xizmati boshqarmasi 18 tonna mevani O‘zbekistonga qaytarib yubordi. Bu haqda Rossiyaning veterinar va sanitar nazorat bo‘yicha Federal xizmati ("Rosselxoznadzor")ning viloyat bo‘yicha boshqarmasi saytida xabar qilingan, deyiladi "Kun" nashrida.

Mevalarning 9,075 tonnasi shaftoli va 9,214 tonnasi nektarindan iborat bo‘lib, Rossiyaga avtomobil transporti orqali etkazilgan edi. Nazoratchilar shaftolida mevaxo‘rlarni (meva qurti) aniqlashgan.

Sharq mevaxo‘ri ichki karantin ob’ekti hisoblanib, olma, nok va behi daraxtlarining mevalariga xuddi olma qurti kabi zarar etkazadi. Hasharot danakli mevalardan shaftoli, gilos, olxo‘ri, o‘rikka ham jiddiy zarar etkazishi aniqlangan. U asosan novda va mevani zararlaydi. Yangi o‘sgan novda uchidan kirib o‘rtasini kemiradi. Meva ichiga kirib danak atrofini eydi va etilib, meva ichidan chiqadi hamda g‘umbakka aylanadi.


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Iqtisodiyot » "Rosselxoznadzor" O‘zbekistonga 18 tonna mevani qaytarib yubordi