Iqtisodiyot va moliya vazirligi 2025 yil 1 apreldan boshlab tarkibida shakar mavjud bo‘lgan gazlanmagan salqin choylar, meva sharbatlari, kompotlar va boshqa gazlanmagan shakarli ichimliklarning 1 litri uchun 500 so‘m miqdorida aksiz solig‘ini joriy etishni rejlashtiryapti. Mazkur taklif bo‘yicha 2025−2027 yillar uchun ishlab chiqilgan budjetnoma loyihasida ma’lumot berilgan.
Qayd etilishicha, quyidagi asosiy soliq turlari bo‘yicha stavkalar o‘zgarishsiz saqlab qolinadi:
- foyda solig‘i — 15 foiz;
- qo‘shimcha qiymat solig‘i (QQS) — 12 foiz;
- jismoniy shaxslardan olinadigan daromad solig‘i — 12 foiz;
- ijtimoiy soliq — 12 foiz (budjet tashkilotlari uchun — 25 foiz);
- yuridik shaxslar mol-mulk solig‘i — 1,5 foiz;
- aylanmadan olinadigan soliq — 4 foiz.
Shuningdek, qishloq xo‘jaligi yerlarini sug‘orish va baliq yetishtirish uchun foydalaniladigan suv hajmi bo‘yicha soliq stavkasi 1 kub metr uchun 100 so‘m, yuridik shaxslarning mol-mulkiga solinadigan soliq stavkasi 1,5 foiz miqdorida saqlab qolinadi.
O‘z navbatida 2025 yil 1 apreldan boshlab neft mahsulotlari, xususan benzin, aviakerosin, dizel yoqilg‘isi, EKO dizel yoqilg‘isi, dizel yoki karbyurator (injektor) dvigatellari uchun motor moyi hamda yakuniy iste’molchiga realizatsiya qilinadigan benzin, dizel yoqilg‘isi, suyultirilgan va siqilgan gaz uchun to‘lanadigan aksiz solig‘i stavkalarini 10 foizga oshirish rejalashtirilgan.
Yer qa’ridan foydalanganlik uchun soliq stavkalarini belgilashda quyidagilar taklif etilmoqda:
- qazilma boyliklarida soliq ulushi uning xarid narxiga nisbatan juda pastligini inobatga olib, marmar, granit, tabiiy bezaktosh, qum–shag‘al aralashmasi (shu jumladan, qurilish qumi va qumtoshlar) uchun alohida soliq stavkalari belgilash;
- kon-kimyo xomashyosi hamda boshqa noruda qurilish materiallari uchun qazib olingan hajmga belgilangan qat’iy miqdorlarni 10 foizga indeksatsiya qilish.
2025 yil 1 yanvardan suv resurslaridan oqilona foydalanish, suvni isrof qilishni kamaytirish maqsadida suv resurslaridan foydalanganlik uchun soliq stavkalarida quyidagilar taklif etilmoqda:
- elektr stansiyalari, kommunal xizmat ko‘rsatish korxonalari, alkogolsiz ichimliklar hamda alkogol mahsulotlari (pivo va vinodan tashqari) ishlab chiqaruvchilar hamda sanoat korxonalari uchun foydalaniladigan suv hajmiga qo‘llanadigan soliq stavkalarini o‘rtacha 10 foizga indeksatsiya qilish;
- iqtisodiyotning boshqa tarmoqlaridagi korxonalar va yakka tartibdagi tadbirkorlar uchun suv solig‘i stavkalarini sanoat korxonalari uchun belgilangan stavkaga tenglashtirish;
- avtomobillarni yuvishda foydalaniladigan suvning 1 kub metri uchun soliq stavkasini 15 ming so‘m qilib belgilash.
2025 yil 1 yanvardan boshlab yuridik va jismoniy shaxslarning turar va noturar ko‘chmas mulk obyektlariga solinadigan mol-mulk solig‘i stavkalari 10 foizga oshiriladi. Bunda Qoraqalpog‘iston Respublikasi Jo‘qorg‘i Kengashi va xalq deputatlari viloyatlar Kengashlari tomonidan noturar ko‘chmas mulk obyektlari uchun belgilangan eng kam qiymatga tumanlarning iqtisodiy rivojlanishiga qarab 0,5 gacha bo‘lgan kamaytiruvchi koeffitsiyent qo‘llash huquqi saqlab qolinadi.
Yuridik va jismoniy shaxslardan olinadigan yer solig‘ining bazaviy stavkalari ham o‘rtacha 10 foizga oshiriladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Kim Chen In harbiylarni jangovar holatda turishga chaqirdi
22 noyabr kuni Cobalt avtomobiliga shartnoma ochilishi e’lon qilindi
Dunyoning mashhur ayollari kunni qanday boshlaydi?
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ikki tumanning hokim yordamchilari qo‘lga tushdi
Xitoyda markazida bog‘ bo‘lgan 270 metrli osmono‘par bino quriladi
