“MTS”ning bosh hissadori uy qamog‘idan ozod etildi

“MTS” telekommunikasion kompaniyasi bosh hissadori hisoblangan “Sistema” kompaniyasi rahbari Vladimir Evtushenkov uy qamog‘idan chiqarildi. Bu haqda, o‘z manbalariga asoslanib, “TASS” xabar bermoqda.

“Bugun tergovchilar Vladimir Evtushenkovga nisbatan ehtiyot chorasini o‘zgartirish haqida qaror qabul qilishdi. Undan tergovchining oldiga kelish haqida tilxat olindi”, – deya qayd etdi manba.

Sud qaroriga ko‘ra, “Sistema” rahbari hisoblangan Vladimir Evtushenkov 16 martga qadar uy qamog‘ida qoldirilgan, noyabr oyi o‘rtalarida uning advokatlari ushbu qaror ustidan shikoyat qilgandi.

Manba: Kun.uz “Zamin”ni Telegramʻda oʻqing!