Shvesiyaning TeliaSonera telekommunikasion kompaniyasi 2015 yilning to‘rtinchi choragi uchun aktivlarining qadrsizlanishi tufayli 7.2 mlrd shved kronasini yoki 843 mln dollarni hisobdan chiqaradi. Kompaniya xabarnomasida aytilishicha, Daniya va O‘zbekistondagi faoliyatning to‘xtatilishi bunga sabab bo‘lgan. Bu haqda Kun.uz xabar bermoqda.
2016 yil 29 yanvarida e’lon qilinadigan o‘tgan yil yakunlari hisobotida “Evrosiyo” mintaqasidagi faoliyat tugatilgani, aktivlar esa sotuvga qo‘yilishi e’lon qilinadi.
Kompaniya o‘tgan yilning oxirgi choragida aktivlaridan qaytadan hisobdan o‘tkazgan. Endilikda O‘zbekistondagi faoliyat bilan bog‘liq 5.3 mlrd krona (620.5 mln dollar), Daniyadagi faoliyat bilan bog‘liq 1.9 mlrd krona (222 mln dollar) hisobdan chiqariladi.
Daniyadagi aktivlar qiymatining tushib ketishi TeliaSonera kompaniyasining Norvegiyaning Telenor kompaniyasi bilan birga Daniyada tuzilgan qo‘shma korxonadan chiqish haqidagi qarori bilan bog‘liqdir.
Ilgariroq TeliaSonera “Evrosiyo” mintaqasidagi (Qozog‘iston, O‘zbekiston, Ozarbayjon, Gruziya, Moldova, Tojikiston, Nepal) faoliyatini susaytirishi, so‘ng to‘xtatishi ma’lum qilingan edi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
