Qozog‘iston va O‘zbekiston qo‘shma loyihani yo‘lga qo‘ydi

1 daqiqa o'qish2.2K
Qozog‘iston va O‘zbekiston qo‘shma loyihani yo‘lga qo‘ydi
Foto: primeminister.kz
Qozog‘iston bosh vaziri Asqar Mamin va O‘zbekiston bosh vaziri Abdulla Aripov Qozog‘iston-O‘zbekiston chegarasidagi «Jibek Joli» o‘tkazuv punktida o‘zaro muzokara o‘tkazdi va «Markaziy Osiyo» xalqaro savdo-iqtisodiy hamkorlik markazi quriladigan joyga kapsula qo‘yish marosimida ishtirok etdi. Bu haqda Qozog‘iston bosh vaziri matbuot xizmati xabar berdi.

Xabarda aytilishicha, tomonlar o‘zaro savdo-iqtisodiy, investitsiya, qishloq xo‘jaligi, tranzit-transport, turizm, kosmik soha, sanoat kooperatsiyasi, suv resurslaridan oqilona foydalanish va muhofaza qilish, mintaqaviy va chegaraoldi hamkorligi masalalarini muhokama qildi.

Muzokaralar davomida avtomobilsozlik, Turkiston-Chimkent-Toshkent tezyurar temir yo‘l magistrali qurilishi masalalariga alohida e’tibor qaratildi.
Qozog‘iston va O‘zbekiston qo‘shma loyihani yo‘lga qo‘ydi
Muzokaralar yakuniga ko‘ra, Mamin va Aripov «Markaziy Osiyo» xalqaro savdo-iqtisodiy hamkorlik markazi faoliyatini tashkil etish bo‘yicha chora-tadbirlar rejasini hamda temir yo‘l transportini rivojlantirish bo‘yicha hamkorlikdagi harakatlar to‘g‘risidagi protokolni imzoladi.

«Markaziy Osiyo» xalqaro savdo-iqtisodiy hamkorlik markazi «Jibek Joli» (Qozog‘iston) va «G‘ishtko‘prik» (O‘zbekiston) nazorat-o‘tkazuv punktlari hududida barpo etiladi. Markazning umumiy maydoni 400 gektarni, o‘tkazish qobiliyati har ikki yo‘nalishda sutkasiga 35 ming kishi va 5 ming yuk avtomobilini tashkil etadi.

Markaz Qozog‘iston va O‘zbekistonning hamkorlikdagi investitsion loyihalarini amalga oshirish uchun yirik sanoat va savdo-logistika markazi bo‘lishi ko‘zda tutilgan.

Avvalroq O‘zbekiston bosh vaziri o‘rinbosari – investitsiyalar va tashqi savdo vaziri Sardor Umrzoqov Qozog‘iston savdo va integratsiya vaziri Baxit Sultonov bilan investitsiyaviy, savdo-iqtisodiy, transport va logistika hamkorligining joriy masalalarini muhokama qilgandi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?