Otalik majburiyatini bajarishdan bo‘yin tovlagan ota

Bosh prokuratura huzuridagi Majburiy ijro byurosi organlarida aliment va boshqa moddiy ta’minot undirish bilan bog‘liq ishlar qizg‘in tus olmoqda.

Byuroning Bag‘dod tumani bo‘limi ish yurituvida 1.800 tadan ortiq aliment undiruvi bilan bog‘liq ijro hujjatlari mavjud.

Fuqarolik ishlari bo‘yicha Rishton tumanlararo sudining 2006 yil, 16 noyabr kungi sud buyrug‘iga asosan G.J.dan fuqaro G.U. foydasiga 1 nafar voyaga yetmagan farzandi ta’minoti uchun aliment undirish belgilangan edi.

Shuningdek sudning 28.08.2018 yildagi sud buyrug‘iga asosan G.J.dan fuqaro D.Sh. foydasiga 1 nafar voyaga yetmagan farzandi ta’minoti uchun aliment undirish belgilangan.

Otalik majburiyatini bajarishdan bo‘yin tovlagan qarzdor G.J. 24 oy mobaynida ikki nafar sobiq turmush o‘rtogi G. U va D.Sh. larga jami 56.013.408 so‘mlik aliment pullarini to‘lamaganligi uchun Jinoyat ishlari bo‘yicha Uchkuprik tumani sudining 2022 yil 13-iyundagi qarori bilan O‘zbekiston Respublikasi MJtKning 47.4-moddasi 1-qismidagi huquqbuzarlikni sodir etgan deb topilib, unga nisbatan 15 sutka ma’muriy qamoq jazosi tayinlandi. “Zamin” yangiliklarini “Instagram”da kuzatib boring