810 mln. so‘mlik ish haqlari undirib berildi

Bugungi kunda davlat ijrochilari tomonidan ishga tiklash, ish haqlarini undirish bilan bog‘liq hujjatlari ijrosini ta’minlash borasida tegishli chora-tadbirlari ko‘rib kelinmoqda. Jumladan, sud qarorlari asosida qonunga xilof ravishda ishdan bo‘shatilgan 10 nafar shaxslar ishga tiklandi va jami 661 nafar fuqarolar hamda 29 nafar yuridik shaxslarning huquqi tiklandi.

Ish xaqlarini undirish bilan bog‘liq 172 ta ijro hujjatlariga asosan 810 mln. so‘mdan ortiq ish haqlari undirilib, ijro hujjatlarining ijrosi tamomlandi.

Fuqarolik ishlari bo‘yicha Guliston tumanlararo sudining qarorlariga asosan qarzdor “Guliston paxta tozalash” AJ hisobidan jami 25 nafar undiruvchilar foydasiga jami 100 000 000 so‘m ish haqi undirish to‘g‘risidagi ijro hujjati Byuroning Guliston tumani bo‘limi ish yurituviga kelib tushgan va ijro ishi yuritishni qo‘zg‘atish to‘g‘risida qarorlar qabul qilinib, ijro harakatlariga kirishilgan.

Majburiy ijro harakatlari davomida, davlat ijrochisining undiruvni qarzdorning debitorlik qarziga qaratish to‘g‘risidagi qaroriga asosan jami 100 000 000 so‘m ish haqi pullari to‘liq undirilib, undiruvchilarning bank plastik kartalariga o‘tkazib berilishi ta’minlandi. Shunga ko‘ra, ijro ishi yuritish Qonunning 41-moddasiga asosan amalda tamomlandi.

Ijro harakatlari davomida, 25 ta sud qarorlari ijrosi ta’minlandi va 25 nafar fuqarolarning huquqlari tiklandi. “Zamin” yangiliklarini “Odnoklassniki”da kuzatib boring