Murojaatlar “Online-video” tizimi orqali ham qabul qilinadi

Fuqarolarimiz murojaatlarini ko‘rib chiqish, ularning huquq va manfaatlarini ta’minlash Majburiy ijro byurosi organlari oldidagi muhim vazifalardan biridir!

Aholi murojaatlarini qabul qilishda yanada qulaylik va shaffoflik yaratish, muammolarini tezkorlikda hal etish maqsadida, murojaatlar “Online-video” tizimi orqali ham qabul qilinadi.

Endilikda, fuqarolarimiz har haftaning shanba kuni soat 10-30 dan o‘zlariga yaqin bo‘lgan Byuroning hududiy boshqarma va tuman-shahar bo‘limlarida tashkil etilgan “Online-video” tizimi orqali:
- ijro hujjati bo‘yicha boshqa hududlarda joylashgan qarzdor(javobgar), undiruvchi va boshqa shaxslar bilan muloqot olib borishi;
- fuqarolarimizning Byuro markaziy mahkama rahbariyati, mas’ul xodimlari bilan to‘g‘ridan-to‘g‘ri bog‘lanishi;
- ijro hujjatiga mas’ul xodimlardan izoh olishi;
- korrupsiya, suiiste’molchiliklar va boshqa qonunbuzilishlar to‘g‘risida murojaatlarni yo‘llashi uchun yangi imkoniyat yaratildi.

“Online-video” tizimida murojaat qabul qilishni rad etgan xodimlar haqida (71) 207-11-59, 207-11-74 raqamli ishonch telefoniga xabar qoldirishingiz mumkin!