Foto: Videodan kadr
Andijon viloyatining Xonobod shahrida tadbirkor xizmat vazifasini bajarayotgan MIB xodimiga qarshilik ko‘rsatib, unga benzin sepib, yoqib yuborishga urindi. Bu haqda «Daryo» xabar bermoqda.
Majburiy ijro byurosi viloyat boshqarmasi axborot xizmatining ma’lum qilishicha, Qo‘rg‘ontepa tumanlararo iqtisodiy sudining 2021 yil 11 martdagi ijro varaqasiga ko‘ra, undiruvchi ATB «O‘zsanoatqurilishbank» Xonobod shahar filiali foydasiga qarzdor MCHJdan 459 million 871 ming so‘m kredit qarzdorligini undirish hamda undiruvning garov ta’minoti hisoblangan Xonobod shahar «Abdirauf Fitrat» MFY Shifokor ko‘chasida joylashgan 1410 kv/metr yer maydoniga ega xizmat ko‘rsatish bino-inshootlariga qaratish belgilangan.
Biroq MIB Xonobod shahar bo‘limi xodimlarining ogohlantirishlariga qaramay, MCHJ rahbari kredit qarzdorligini qoplamagan. Shu sabab tadbirkorning garovdagi mulki auksion savdolariga chiqarilgan. Bino auksionda sotilmagach, bankka ko‘chmas mulk sifatida qabul qilish haqida taklif berilgan.
Ushbu holat yuzasidan byuro xodimlari binoni bank ixtiyoriga topshirish haqida ogohlantirish maqsadida qarzdor bilan uchrashgan paytda qarzdor, MCHJ ta’sischisi M.Yu. byuro bo‘lim boshlig‘iga benzin sepib, yoqib yubormoqchi bo‘lgan. Ijro jarayoniga jalb etilgan ichki ishlar xodimi tadbirkorning qo‘lidagi «zajigalka»ni tortib olgan. Ayni jarayonda benzin ichki ishlar xodimiga to‘kilib, uning hayoti ham xavf ostida qolgan.
Mazkur holat yuzasidan Xonobod shahar prokuraturasi tomonidan jinoyat ishi qo‘zg‘atilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
