Buxoroda ota-onasini yoqib yuborishga uringan erkak 15 yil 6 oyga qamaldi

1 daqiqa o'qish158
Buxoroda ota-onasini yoqib yuborishga uringan erkak 15 yil 6 oyga qamaldi
QisqachaAI yordamida tayyorlanganKo‘rsatish
  • Buxoroda ota-onasini o‘t qo‘yish orqali o‘ldirishga uringan 29 yoshli erkak 15 yil 6 oyga ozodlikdan mahrum etildi.
  • 2026 yil 15 may kuni sodir bo‘lgan hodisa oilaviy kelishmovchilikdan boshlangan bo‘lib, unda erkak ota-onasi yashaydigan xonadon yo‘lagiga benzin sepib, o‘t qo‘ygan.
  • Ota-onasi jarohat olgan bo‘lsa-da, o‘z vaqtida ko‘rsatilgan tibbiy yordam tufayli hayotlari saqlab qolingan.

Buxoro shahrida 29 yoshli erkak oilaviy mojarodan so‘ng ota-onasi bo‘lgan xonadonga o‘t qo‘ydi. Hodisa 2026 yil 15 may kuni sodir bo‘lgan. Sud hukmiga ko‘ra, u 15 yil 6 oyga ozodlikdan mahrum etildi.

Ma’lum qilinishicha, erkak turmush o‘rtog‘i va farzandi bilan ijarada yashagan. Uning onasi Buxorodagi hovlisini sotib, o‘rniga ko‘p qavatli uydan xonadon xarid qilgan. O‘g‘il ushbu uyni ta’mirlashda yordam bergan va oilasi bilan shu yerda yashashni rejalashtirgan. Biroq onasi kelini bilan munosabatlari yaxshi emasligi sababli bunga qarshilik bildirgan.

15 may kuni ona va o‘g‘il o‘rtasida yana janjal kelib chiqqan. Mojaro vaqtida erkak uydagi televizorni sindirgan, shundan so‘ng onasi ichki ishlar organlariga murojaat qilgan. Tomonlar profilaktika inspektori huzurida yarashgan bo‘lsa-da, uyga qaytgach, kelishmovchilik yana davom etgan.

Sud hujjatlariga ko‘ra, erkak yoqilg‘i quyish shoxobchasidan benzin, do‘kondan esa gugurt sotib olgan. Soat 23:20 atrofida uyga qaytib, ota-onasi yotoqxonada bo‘lgan paytda xona eshigini tashqaridan qulflagan va yo‘lakka benzin sepib, o‘t qo‘ygan. Shundan keyin u voqea joyidan qochib ketgan.

Ota-onasi eshikni buzib ochib, qo‘shnilar va yong‘in o‘chiruvchilar yordamida tashqariga chiqishga muvaffaq bo‘lgan. Ular kuyish jarohatlarini olgan, biroq o‘z vaqtida ko‘rsatilgan tibbiy yordam tufayli hayotlari saqlab qolingan. Yong‘in ko‘p qavatli uyning yo‘lagi va yuqori qavatlariga ham tutun tarqalishiga sabab bo‘lgan.

Sudda erkak ota-onasini o‘ldirish niyati bo‘lmaganini bildirgan. Biroq sud uning aybi dastlabki ko‘rsatmalar, ekspertiza xulosalari, telefon suhbatlari va boshqa dalillar bilan tasdiqlanganini qayd etgan.

Jinoyat ishlari bo‘yicha Buxoro shahar sudi erkakni qasddan odam o‘ldirishga suiqasd qilish hamda o‘zganing mulkini xavfli usulda qasddan yo‘q qilishda aybli deb topgan. Unga tayinlangan jazolarni qisman qo‘shish orqali 15 yil 6 oy ozodlikdan mahrum qilish jazosi tayinlangan. Mahkum jazoni umumiy tartibli koloniyada o‘taydi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?