Shovotlik ota farzandlari uchun 302,6 mln. so‘m aliment pullari oldindan to‘ladi

Fuqarolik ishlari bo‘yicha Shovot tumanlararo sudining ijro hujjatiga asosan R.B.dan voyaga yetmagan ikki nafar farzandi moddiy ta’minoti uchun aliment undirish belgilangan. Sud qaroriga asosan Byuroning Shovot tuman bo‘limi tomonidan ijro ishi yuritilgan.

Qarzdor ota voyaga yetmagan farzandlarning moddiy ta’minoti uchun aliment pulini oldindan to‘lab berish imkoniyati borligini bildirib, Byuro xodimlariga murojaat qilgan.

Shundan so‘ng, davlat ijrochisi tomonidan ikki nafar farzandning 18 yoshgacha bo‘lgan aliment miqdori hisoblab berilgan. Qarzdor ota sobiq turmush o‘rtog‘i bilan o‘zaro kelishgan holda 302,6 million so‘m aliment pulini to‘lab bergan.

Mazkur ijro hujjati muddatidan oldin tugatilib, qarzdorga nisbatan qo‘llangan barcha cheklov choralari bekor qilingan.