Bugun, 28 iyun kuni Axborot texnologiyalari va kommunikatsiyalarini rivojlantirish vazirligining «O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida»gi O‘zbekiston Respublikasi Konstitutsiyaviy qonuni loyihasining muhokamasiga bag‘ishlangan yig‘ilishi bo‘lib o‘tdi.
Unda Oliy Majlisi Qonunchilik palatasi Axborot va kommunikatsiya texnologiyalari masalalari qo‘mitasi raisi Ilhom Abdullayev hamda Axborot texnologiyalari va kommunikatsiyalarini rivojlantirish vaziri Sherzod Shermatov ishtirok etdi.
Shuningdek, vazirlik markaziy apparati xodimlari, vazirlik tizimidagi korxona va tashkilotlar xodimlari, hududiy boshqarma boshliqlari ham qatnashdi.
Oliy Majlisi Qonunchilik palatasi Axborot va kommunikatsiya texnologiyalari masalalari qo‘mitasi raisi I. Abdullayev konstitutsiyaga kiritilayotgan o‘zgarishlarning tub mazmun-mohiyati haqida yig‘ilish ishtirokchilariga tushuntirishlar berib o‘tdi.
Yig‘ilish davomida yangilanishi kutilayotgan Konstitutsiya mamlakatning uzoq yillik taraqqiyot strategiyalari, xalqimizning ertangi farovon hayoti uchun mustahkam huquqiy poydevor bo‘lishi ta’kidlandi.
Shu bilan birga, Konstitutsiyaviy tuzatishlar jamiyatning turli ijtimoiy qatlamlariga mansub bo‘lgan fuqarolarning shaxsiy, ijtimoiy, iqtisodiy, siyosiy, madaniy va ekologik huquqlarini ta’minlashga, himoya qilishga qaratilgan to‘g‘ridan-to‘g‘ri ishlaydigan normalarga aylanishi aytib o‘tildi.
Yangi O‘zbekistonning taraqqiyot strategiyasida belgilangan keng ko‘lamli vazifalar, xalqparvar davlatni barpo etish, inson huquq va manfaatlari, qadr-qimmatini yanada samarali ta’minlash maqsad qilingan. Shu maqsadda mamlakatimizdagi tub islohotlarga mos yangi konstitutsiyaviy-huquqiy makonni yaratish zaruratini yuzaga keltirmoqda.
«Yangi O‘zbekiston — ijtimoiy davlat» tamoyillarini mustahkamlash, turli islohotlar jarayonida inson manfaatlari bosh mezon bo‘lishini ta’minlash, xususiy mulk daxlsizlik, yerga egalik qilish huquqini, fuqarolik jamiyati institutlarining o‘rnini konstitutsiyaviy darajaga ko‘tarish, davlat hokimiyati asoslarini takomillashtirish dolzarb ekanligi haqida fikrlar bildirildi.
Muhokamalar asosida kechgan yig‘ilishda AKT vazirligi xodimlari ham Konstitutsiyaga kiritilayotgan o‘zgarishlar bo‘yicha o‘z fikrlarini bildirib o‘tdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilning ikki vaziriga sanksiya qo‘llamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
Yaxshi pishgan va mazali anor tanlashga yordam beradigan tavsiyalar
Organizm o‘zini toksinlardan qanday tozalaydi?
AQSH harbiylari orasida o‘z joniga qasd qilish ko‘paydi
Buyrak salomatligi uchun eng foydali sabzavot...
