O‘zbekistonda 10 oyda qancha oila ajrashgani ma’lum bo‘ldi

^{Foto: Telegram / Rasmiy xabarlar}

Oila va xotin-qizlar qo‘mitasi, Ichki ishlar vazirligi va boshqa mutasaddi tashkilotlar ishtirokida o‘tkazilgan matbuot anjumanida ma’lum qilinishicha, joylarda ajrimlarning oldini olish maqsadida mahallalarda “Nizoli oilalar bilan individual ishlash tartibi” joriy etildi.

9 442 ta mahallada faollar, “Oqila ayollar harakati” a’zolari, jamoatchilik vakillari hamkorlikda nizoli oilalar bilan yakka tartibda ishlash orqali 24 193 nafar ajrim yoqasiga kelib qolgan oilalardan 20 265 nafari yarashtirildi. 

Mahallalarda bevosita xotin-qizlar faollari tomonidan belgilangan 7 ta yo‘nalishda yanvar-noyabr oylari davomida jami 533 041 ta muammo aniqlanib, shundan 513 824 ta muammo bartaraf etildi. Jumladan:

• nizoli 43 803 ta oilalar aniqlandi va 36 272 tasi murosaga keltirildi;
• ishlash istagi bo‘lgan 143 487 nafar xotin-qizlarning 135 342 nafarining bandligi ta’minlanishiga ko‘maklashildi;
• kasb-hunarga o‘qish va o‘rganish istagi bo‘lgan 41 508 nafar xotin-qizlarning 41 165 nafari kasb-hunarga o‘qitishga yo‘naltirildi;
• ijtimoiy xizmat va ijtimoiy yordamga muhtoj 251 460 ta oila aniqlangan bo‘lib, shundan 249 637 ta oilaga yordam ko‘rsatildi;
• profilaktik hisobda turgan 3 412 nafar xotin-qizlarning 2 939 nafarini muammosi hal etildi, 447 nafari profilaktik hisobdan chiqarildi;
• migratsiyadagi 9 187 nafar xotin-qizlarga tegishli yordam ko‘rsatildi; 3 182 nafar xotin-qizlar migratsiyadan qaytarildi;
• xonadon gigiyenasi, sog‘lom turmush tarzini yo‘lga qo‘yish bo‘yicha 39 793 ta muammolar aniqlangan bo‘lib, shundan 39 116 ta muammo bartaraf etildi.