Oʻzbekistonda ta'lim muassasalarining oshxonalari tadbirkorlarga ijaraga beriladi

Adliya vazirligi matbuot xizmati ma'lumotiga koʻra, joriy yilning 11 yanvar kuni qabul qilingan Hukumatning 8-sonli qaroriga muvofiq, Vazirlar Mahkamasining 132-sonli qaroriga bir qator oʻzgartishlar kiritildi.

Ushbu oʻzgartishlar orqali umumiy oʻrta, oʻrta maxsus va kasb-hunar ta'lim muassasalarining oshxonalari tadbirkorlarga "E-auksion" maxsus platformasi orqali ijaraga berilishi mumkin boʻladi. Shuningdek, ijaraga berilgan ta'lim muassasalari oshxonalari hisobi "online-ijara.uz" axborot tizimi orqali yuritiladi.

Bundan tashqari, ta'lim muassasalarining oshxonalarida sogʻlom ovqatlanishni tashkil etish yuzasidan monitoring va nazorat ishlari majburiy tarzda olib borilishi belgilangan.

Eslatib oʻtamiz, avvalroq Toshkent shahri aholisi tashqi reklama boʻyicha onlayn shikoyat qilish imkoniyatiga ega boʻlgani haqida xabar bergan edik.