Chirchiqda dorixona sotuvchisiga hujum qilgan fuqaro qoʻlga olindi

Toshkent viloyati IIB matbuot xizmati Chirchiq shahridagi dorixonada sodir boʻlgan talonchilik haqida ma'lumot berdi.

Avvalroq ijtimoiy tarmoqlarda ushbu voqea Toshkent shahrida sodir boʻlgani haqida xabar tarqalgan edi. Ammo ma'lum boʻlishicha, voqea Toshkent viloyati, Chirchiq shahridagi dorixonada roʻy bergan.

Jinoyat tafsilotlariga koʻra, 1993-yilda tugʻilgan, spirtli ichimlik iste'mol qilgan holatda boʻlgan fuqaro dorixonaga bostirib kirib, sotuvchini pichoq bilan qoʻrqitgan va pul talab qilgan. Natijada, u kassadan 700 000 soʻmni olib qochishga muvaffaq boʻlgan.

Mazkur holat boʻyicha Oʻzbekiston Respublikasi Jinoyat kodeksining "Talonchilik" haqidagi 2-qismi boʻyicha jinoyat ishi qoʻzgʻatilgan. Aybdor 8 yildan 10 yilgacha ozodlikdan mahrum qilinishi mumkin. “Zamin” yangiliklarini “Telegram”da kuzatib boring