Buxoro viloyati Ichki ishlar boshqarmasi xabariga koʻra, 24-yanvar kuni Peshku tumanida yashovchi 1991-yilda tugʻilgan ayol Vobkentlik erkakdan 30 ming dollar talab qilgani uchun qoʻlga olindi.
Aniqlanishicha, ayol 2019-yildan buyon erkak bilan romantik munosabatda boʻlib kelgan va u haqida intim fotosuratlarga ega boʻlgan. Shuningdek, u ushbu suratlarni uning yaqinlariga tarqatmaslik evaziga 30 ming dollar talab qilgan.
Ayol oldindan kelishilgan holda 10 ming dollar miqdoridagi avansni olayotganda, ichki ishlar organlari tomonidan qoʻlga olindi. Pulga maxsus kimyoviy moddalar surtilgan boʻlib, shantajchining aybi dalillar bilan tasdiqlangan.
Hozirda unga nisbatan Oʻzbekiston Respublikasi Jinoyat kodeksining "Tovlamachilik" moddasi 3-qismi boʻyicha jinoyat ishi ochilgan. Ayol 15 yilgacha qamoq jazosi olishi mumkin.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
