Sirdaryo tumaniga yangi hokim tayinlandi

Sirdaryo viloyatining Sirdaryo tumaniga yangi hokim tayinlandi, deb viloyat hokimligi axborot xizmati xabar berdi.

Xalq deputatlari tuman kengashining navbatdan tashqari sessiyasida deputatlar tomonidan Turdimurodov Azizbek Maxammatqul oʻgʻlining nomzodi tuman hokimi lavozimiga tasdiqlandi. U bungacha Sirdaryo viloyati Yoshlar ishlari agentligi boshqarmasi boshligʻi lavozimida faoliyat yuritgan.

Azizbek Turdimurodov 1994-yilda Sirdaryo viloyati, Boyovut tumanida tug‘ilgan. 2019-yilda Toshkent axborot texnologiyalari universitetini, 2022-yilda esa Yoshlar muammolarini oʻrganish va istiqbolli kadrlarni tayyorlash institutini tamomlagan. U axborot texnologiyalari va servis, loyihalarni boshqarish yo‘nalishlari bo‘yicha mutaxassislikka ega. “Zamin” yangiliklarini “Telegram”da kuzatib boring