Toshkentda vrachlar mast erkakni shifoxonaga yotqizmadi

Toshkentda yuragi og‘riyotganini aytgan mast erkak shifoxonaga yotqizilmadi, deb Nova24.uz xabar berdi.

Guvohlarning aytishicha, erkak deyarli bir kun ko‘chada yurak og‘rig‘i haqida shikoyat qilgan. Respublika tez tibbiy yordam markazi ma’lumotiga ko‘ra, 103 raqamiga qo‘ng‘iroq 31 may kuni soat 12:31 da tushgan. 20 daqiqadan so‘ng tez yordam guruhi voqea joyiga yetib borgan.

Tekshiruv natijasida erkakda yengil darajadagi mastlik aniqlangan. Uning barcha hayotiy ko‘rsatkichlari normal bo‘lgan va hayotiga xavf tug‘diruvchi holat kuzatilmagan. Shuning uchun, tibbiy ko‘rsatkichlarga asosan, yotqizish talab etilmagan.

Shundan so‘ng, tez yordam xodimlari huquqni muhofaza qiluvchi organlarni chaqirib, erkakni hushyorlashtirish markaziga olib ketishgan. Yordam chaqirgan shaxs esa yolg‘on chaqiruv uchun javobgarlik bilan ogohlantirilgan.

“Zamin”ni Telegramʻda oʻqing!