Ijaraga olingan 100 ta avtomobil qo‘shni davlatlarda sotilgani ma’lum bo‘ldi

O‘zbekiston Bojxona qo‘mitasi tomonidan ma’lum qilinishicha, mamlakatda ro‘yxatdan o‘tgan taxminan 100 ta yengil avtomobil ijaraga olinib, qo‘shni davlatlarda sotib yuborilgani aniqlandi, deb Uz24 xabar berdi.

Xabarga ko‘ra, 6 nafar fuqaro ijaraga beruvchi kompaniyalar orqali 100 dan ortiq transport vositasini davlat chegarasi orqali ishonchnoma asosida olib chiqib ketgan va xorijda realizatsiya qilgan.

Hozirda Bojxona qo‘mitasi tomonidan tezkor surishtiruv ishlari olib borilmoqda va qo‘shni davlatlar bojxona xizmatlari bilan hamkorlikda holatga aniqlik kiritilmoqda.

Qo‘mita fuqarolardan ishonchnoma asosida avtomobillarni begonalarga bermaslik va ogoh bo‘lishni so‘radi.