Farg‘onada umumiy ovqatlanish nuqtasi 2,87 mlrd so‘mlik tabiiy gazni o‘g‘irlagani aniqlandi, deb UPL.uz xabar berdi.
“O‘zenergoinspeksiya” matbuot xizmatining ma’lum qilishicha, gaz ta’minotiga yashirincha ulanish holati aniqlangan.
Farg‘ona viloyati “O‘zenergoinspeksiya” boshqarmasi xodimlari boshqa huquqni muhofaza qiluvchi idoralar bilan hamkorlikda nazorat tadbirlari o‘tkazdi. Tadbirlar davomida Dang‘ara tumanida joylashgan “X.Q.K.” xususiy korxonasiga qarashli umumiy ovqatlanish nuqtasi tekshirildi.
Tekshiruv jarayonida oshxona gaz uskunalari hisoblagichdan chetlab o‘tib, yashirin tarzda gaz tarmog‘iga ulanganligi aniqlandi.
Natijada gaz ta’minotchi tashkilotga yetkazilgan zarar miqdori 2 milliard 887 million so‘m deb baholandi.
Yig‘ilgan materiallar huquqni muhofaza qiluvchi organlarga topshirilgan. Hozirda tergovoldi surishtiruvi olib borilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
