O‘zbekistonlik ayol Volgogradga 41 kg inson sochini olib kirishga urindi, deb Kursiv.media xabar berdi.
Volgograddagi Gumrak aeroportida 37 yoshli O‘zbekiston fuqarosidan katta miqdorda inson sochlari olib qo‘yildi. Ayol Dubaydan uchib kelgan va bojxonadagi “yashil koridor” orqali ikki chamadon bilan hech qanday deklaratsiyasiz o‘tishga harakat qilgan.
Tekshiruv chog‘ida bojxona xodimlari uning bagajidan 222 bog‘lama tabiiy inson sochi topgan. Ularning umumiy og‘irligi 40,9 kg ni tashkil etgan. Ekspertiza ma’lumotlariga ko‘ra, yukning qiymati 4,3 million rubl (taxminan 5,5 ming dollar) bo‘lgan.
O‘zbekistonlik ayol sochlarni Moskvadagi go‘zallik salonida ishlatmoqchi bo‘lganini, lekin deklaratsiya topshirish zarurligini bilmaganini aytgan.
Volgogradning Dzerjinsk tumani sudi ushbu tovarni ma’muriy huquqbuzarlik sifatida davlat foydasiga musodara qilishga qaror chiqardi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
