Toshkentda taksi haydovchisi bilan bog‘liq janjal tekshirilyapti

Toshkentda taksi haydovchisi tomonidan qizga tajovuz qilinishi haqidagi xabar ijtimoiy tarmoqlarda keng tarqaldi, deb UPL.uz xabar berdi.
Facebook’dagi yirik guruhlarda tarqalgan ma’lumotlarga ko‘ra, jabrlanuvchi ish joyida “eshikdan eshikkacha” yetkazib berish uchun taksi chaqirgan. Haydovchi ofisga chiqishni rad etib, mijozning o‘zi tushishi kerakligini aytgan.

Qiz tashqariga chiqqach, haydovchi unga qo‘ng‘iroq qilgan. U buyurtma to‘lanmaganini bilmagan va o‘sha vaqtda yonida pul bo‘lmagan. Jabrlanuvchi haydovchiga ofisga chiqib pulni olishni taklif qilgan. Shunda haydovchi uning qo‘lidan ushlab, silkitib, so‘ng qo‘llarini sindirib, posilkani tortib olgan. Jabrlanuvchi ariza yozganini ma’lum qilgan.

Yandex.Taxi matbuot xizmati UPL.uz muxbiriga bu holatdan xabardor ekanliklarini, bunday tajovuzkor xatti-harakatlarga yo‘l qo‘yilmasligini aytib o‘tdi. Kurier xizmatdan chetlashtirilgan va ichki tekshiruv boshlangan. Shuningdek, huquqni muhofaza qiluvchi organlarga zarur ma’lumotlarni berishga tayyorlik bildirilgan. “Zamin”ni Telegramʻda oʻqing!